Frábært að fólk kemur enn á útifundina

Það er alveg frábært að fólk sýnir, að það eru ekki allir Íslendingar sem hafa margumrætt gullfiskaminni. Að sýna ráðamönnum að þjóðin veit, að björninn er ekki unninn enn og þeir þurfa ekki að halda að allt sé gleymt.

 


mbl.is Á þriðja hundrað á Austurvelli
Tilkynna um óviðeigandi tengingu við frétt

Jákvætt framtak!

Þetta finnst mér alveg frábært og jákvætt framtak. Fólk þarf á jákvæðum hugsunum að halda til þess að þrífast, það er löngu sannað.

Þar fyrir utan veitir svo sannarlega ekki af jákvæðum straumum til fólksins í þessu ástandi sem er í íslensku þjóðlífi. Ég bið allavega fyrir landi og þjóð.


mbl.is Kærleiksganga á Austurvelli
Tilkynna um óviðeigandi tengingu við frétt

Kemur ekki á óvart

Auðvitað á DO mikið meiri þátt í fjármálahruninu en hann vill viðurkenna. Ekki bara á Íslandi, heldur líka í Evrópu.

Ótrúlegt hvað hann ætlar að hanga í stólnum sínum, siðblindur og án ábyrgðar á nokkru sem hann hefur gert.

Þeir sjá þetta vel í útlöndum, hér er aftur á móti enn verið að reyna að telja fólki trú um allt annað.

DO: Orðstýr deyr aldrei, þeim er sér getið hefur!


mbl.is Davíð Oddsson á vafasömum lista
Tilkynna um óviðeigandi tengingu við frétt

Grípum til aðgerða gegn Ísrael

Það er ekkert lát á ofbeldinu í Gasa, fjöldi fallinna borgara á Gasa eykst sífellt. Á svæðinu eru um 1.5 milljón óbreyttra borgara innilokaðir, þar sem þeir eru berskjaldaðir gegn mannfalli og eignaspjöllum. Á 21 dögum átakanna létu rúmlega 1133 Palestínumenn lífið og um það bil 5200 særðust í árásum Ísraelsmanna. Flestir hinna látnu voru óbreyttir borgarar, þar af 346 börn og 105 konur.

Þrýstu á ísraelsk stjórnvöld að binda tafalaust enda á árásir sínar og leyfa flutning neyðargagna, flutning særðra og frjálsar ferðir óbreyttra borgara burt af átakasvæðinu, sem og frjálst aðgengi mannréttinda- og mannúðarstarfsmanna og fjölmiðlafólks að svæðinu.

Prentaðu út þetta bréf og sendu til forseta Ísraels

Síða Amnesty um málið


Mannréttindi barna

Það er gott, að það er kominn úrskurður frá umboðsmanni barna um, að þau hafi rétt á því að tjá sig.

Íslendingar hafa skrifað undir mannréttindasáttmála Sameinuðu Þjóðanna, svo auðvitað þurfa þeir að standa við það:

Barnasáttmáli SÞ  http://www.abotinn.is/barnaheill/barnasattmali1.html

12. gr.
1. Aðildarríki skulu tryggja barni sem myndað getur eigin skoðanir rétt til að láta þær frjálslega í ljós í öllum málum sem það varða, og skal tekið réttmætt tillit til skoðana þess í samræmi við aldur þess og þroska.
2. Vegna þessa skal barni einkum veitt tækifæri til að tjá sig við hverja þá málsmeðferð fyrir dómi eða stjórnvaldi sem barnið varðar, annaðhvort beint eða fyrir milligöngu talsmanns eða viðeigandi stofnunar, á þann hátt sem samræmist reglum í lögum um málsmeðferð.

13. gr.
1. Barn á rétt til að láta í ljós skoðanir sínar, og felur það í sér rétt til að leita, taka við og miðla hvers kyns vitneskju og hugmyndum, án tillits til landamæra, annaðhvort munnlega, skriflega eða á prenti, í formi lista eða eftir hvers kyns öðrum leiðum að vali þess.
2. Láta má rétt þennan sæta vissum takmörkunum, en þó aðeins að því marki sem mælt er fyrir í lögum og er nauðsynlegt
a) til þess að virða réttindi eða mannorð annarra, eða
b) til að gæta öryggis þjóðarinnar eða allsherjarreglu (ordre public), eða heilbrigðis almennings eða siðgæðis.

14. gr.
1. Aðildarríki skulu virða rétt barns til frjálsrar hugsunar, sannfæringar og trúar.
2. Aðildarríki skulu virða rétt og skyldur foreldra, og lögráðamanna, eftir því sem við á, til að veita barni leiðsögn við að beita rétti sínum á þann hátt sem samræmist vaxandi þroska þess.
3. Frelsi til að láta í ljós trú eða skoðun skal einungis háð þeim takmörkunum sem mælt er fyrir um í lögum og eru nauðsynlegar til að gæta öryggis almennings, allsherjarreglu, heilsu almennings eða siðgæðis, eða grundvallarréttinda og frelsis annarra

15. gr.
1. Aðildarríki viðurkenna rétt barns til að mynda félög með öðrum og koma saman með öðrum með friðsömum hætti.
2. Þessi réttindi skulu ekki háð öðrum takmörkunum en þeim sem settar eru í samræmi við lög og nauðsynlegar eru í lýðfrjálsu þjóðfélagi vegna öryggis þjóðarinnar eða almennings, allsherjarreglu (ordre public), verndunar heilbrigðis almennings eða siðgæðis eða verndunar réttinda og frelsis annarra.

16. gr.
1. Eigi má láta barn sæta gerræðislegum eða ólögmætum afskiptum af einkalífi þess, fjölskyldu, heimili eða bréfum, né ólögmætri árás á sæmd þess eða mannorð.
2. Barn á rétt á vernd laganna fyrir slíkum afskiptum og árásum.


mbl.is Eiga að fá tækifæri til að tjá sig
Tilkynna um óviðeigandi tengingu við frétt

Straumur að eignast BIVA í Danmörku!!!

Mér aldeilis dauðbrá þegar ég las þessa frétt. Þeir eru greinilega ekki alveg fátækir í Straumi. Fjölskyldan sem átti BIVA tapaði 60 dönskum milljónum á þessu fyrirtæki árið 2008.

Það er ekki að spyrja að þessum íslensku útrásarvíkingum - þeir læra aldrei.

Hér er greinin í Politiken i dag


Barnaskelfir

Manninum er greinilega ekki sjálfrátt.

Er ekki hægt að hjálpa honum, og leggja hann inn á einverja stofnun?


mbl.is Lá við að fundurinn leystist upp
Tilkynna um óviðeigandi tengingu við frétt

BECAUSE WE CARE - D.A.D. safnar fé til hjálpar Íslendingum

Nú er svo komið fyrir fyrir mörgum Íslendingum í Danmörku, að þeir eiga ekki til hnífs og skeiðar. Þar er aðallega um að ræða námsmenn og lífeyrisþega, sem fá ekki yfirfærslur frá bönkum á Íslandi. Danskir tónlistarmenn hafa staðið fyrir nokkrum tónleikum í Danmörku undir yfirskriftinni "Because we care", þar sem þeir hafa safnað fé til hjálpar þessum þolendum íslenska bankahrunsins.

Nú eru þeir á leið til Íslands í sömu erindagerðum. Það eru sjálfir D.A.D. sem munu halda styrktartónleika í Reykjavík 24. janúar n.k. Það er vonandi að sem flestir Íslendingar skyrki landa sína og mæti á tónleikana.

Sjá grein í Jyllandsposten


8 ÁRA HELDUR RÆÐU - og fólk nær ekki upp í nefið á sér vegna ofstækis og fordóma

Sjaldan hef ég heyrt jafn marga, opinbera fordóma sína og skinhelgi.

Börnin eru líka þjóðin, ekki satt! Heldur fólk, að það sé hægt að vernda börn fyrir upplýsingum í upplýsingaþjóðfélagi? Heldur fólk, að börn hafi enga greind og geti ekki myndað sér skoðanir? Heldur fólk, að börn þessa lands verði ekki vör við kreppuna og allt krepputalið? Á sumum heimilum á fólk ekki fyrir mat, á öðrum heimilum eru foreldrarnir búnir að missa vinnuna. Heldur fólk, að það sé hægt að pakka börnunum inn í bómull og vernda þau fyrir raunveruleikanum?

Stúlkan sem um ræðir, Dagný Dimmblá, er bróðurdóttir mín. Bráðskír, ófeimin og fylgin sér. Hún ákvað sjálf á sínum tíma, að búa til sitt mótmælaspjald, því hún vildi mótmæla á Austurvelli. Hún fór með pabba sínum á nokkra mótmælafundi, þessir fundir eru afar fjölskylduvænir svo ekki sé meira sagt: Fólk á öllum aldri, frá ungum börnum í barnavögnum upp í háaldrað fólk, og allt fer friðsamlega fram. Á einum fundinum fór hún til Harðar Torfasonar og bað um leyfi til þess að ávarpa næsta fund, því henni fannst vanta upp á að raddir barna heyrðust þarna líka.

Pabba hennar leist ekkert á þessa hugmynd til að byrja með, og vildi í fyrstu ekki samþykkja þetta (hann sá fyrir ofstækisfull viðbrögð fordómafulls fólks, það gekk líka eftir). Hann lét þó undan henni að lokum, mest vegna þess að það eru mannréttindi barna að fá að tjá sig.

Hún skrifaði ræðuna sjálf, pabbi hennar hjálpaði henni að hreinskrifa og þetta var alls ekki æft heima. Að hún hafi verið heilaþvegin eða fjölskyldan hafi att henni út í þetta er algjör fjarstæða. Allir sem þekkja Dagný Dimmblá vita það mæta vel. Henni varð heldur ekkert meint af atburðinum. Hún hefði getað átt mjög góða minningu um þetta: Hún hélt ræðu, sem hún skrifaði sjálf og hún stóð sig vel og fólk klappaði.

Nei, það má hún ekki. Það þarf að eyðileggja upplifunina og snúa þessu upp í ofstæki og einelti. Henni hefur orðið meint af viðbrögðum ykkar bloggara við þessu. Eitrið sem vellur út úr sumum pennum hérna á moggablogginu, meðal annars, er til háborinnar skammar. Fjölskylda mín er kölluð kommúnistar! (ég hélt að þeir væru allir dauðir með kalda stríðinu!) Það á að senda barnaverndarnefnd á okkur! Við erum ásökuð um barnaníðslu og heilaþvott! Svo ég nefni lítið brot af þeim svívirðingum sem velta út úr bloggurum þessa síðustu daga. Dagný litla þorir varla út úr húsi og hefur átt erfitt með svefn síðustu daga. Hún verður sennilega líka að skipta um skóla vegna þessa. Þetta er á ykkar ábyrgð.

Þið bloggarar standið ykkur vel í því að brjóta niður unga sál, undir því yfirskini, að þið séuð að vernda barnið og berið hag þess fyrir brjósti. Mig langar að kasta upp. Þjóðin er greinilega ekki bara gjaldþrota í peningum, hún er líka að tapa vitinu að mínu mati, og svona skrif eru ekki greindu fólki sæmandi á neinn hátt. Þau sýna aftur á móti gjaldþrot andans og umburðarlyndisins.

Hér er ræða hennar í heild:

 

 


Rekja eigendaflækjur

Gott mál. Það er löngu kominn tími til þess að greiða úr eigendaflækjunni. Ég bíð spennt eftir niðurstöðu ríkisskattsstjóra.


mbl.is Rekja eigendaflækjur
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband