Gott að börnin vilji tjá sig

Dagný Dimmblá, 8 ára skólanemi ætlar að taka til máls á fundinum.

Hún er bróðurdóttir mín, ákveðin stelpa með skoðanir á mörgum málum. Vonandi tekst henni vel upp á morgun.

Mótmælt á Austurvelli á morgun

Engar kosningar!!!

Það er mjög undarlegt hvaða álit íslenskir stjórnmálamenn hafa á stöðu sinni. Þeir skilja ekki, að þeir sitja á Alþingi í umboði almennings - og þess vegna eru það ekki ráðherrar sem ráða því hvenær það verður kosið. Það hlýtur að vera krafa, að gengið sé til kosninga þegar stjórnvöld njóti ekki lengur traust umbjóðenda sinna.

Þess vegna er það stórfurðulegt að Geir og Ingibjörg sjái ekki sóma sinn í því að hlusta á þjóðina.

Spilling

Auðvitað ætla þeir að rannsaka sjálfan sig, þeir hafa jú allir eitthvað að fela.

Það er enginn sem tekur mark á svona hlutdrægninni rannsókn.

Verður alltaf íslensk rannsókn

Íslenska græðgin

Ennþá sjáum við eitt dæmið um klíkuskapinn og bananalýðveldið Ísland - nú gjaldþrota vegna svona hluta. Fuss .....

Þeir sleppa ansi billega sýnist mér, þeir menn sem af græðgi hafa misnotað stöðu sína til þess að taka stór persónuleg lán, svo þeir gætu grætt ennþá meira. Þar með orsökuðu þeir gjaldþrot Íslands, sem er allt annað en heimskreppan.

Skuldirnar eru nú afskrifaðar, þjóðin borgar. Þessir menn hafa nú algjörlega tapað þeirri æru sem eftir var, í mínum augum.

Lykilmenn skulduðu 80 milljarða króna

Það vill enginn taka ábyrgð

Það er alveg rétt sem norski hagfræðingurinn segir, en auðvitað vill enginn af þessum mönnum taka ábyrgð á sínum gerðum, eða því sem þeir gerðu ekki. Þeir hafa verið á ofurlaunum við að keyra allt í strand, eru án ábyrgðar og sitja svo áfram.

Þetta myndi aldrei viðgangast í Evrópu. Svona ráðamenn yrðu látnir fara frá með  skömm. Lýsir bara bananalýðveldinu Íslandi á afgerandi hátt.

„Hefði átt að vera búið að stoppa ykkur fyrir löngu"

Áfallahjálp fyrir íslensku þjóðina!

Öll íslenska þjóðin þarf á áfallahjálp að halda. 

Ef það er ætlast til, að þjóðin standi einu sinni við þá mýtu, að vera komin af "víkingum", vinni sig út úr öllum vandamálum og harmförum, og axli ábyrgð í "stórsjóum" efnahagslífsins. Ef það er ætlast til að þjóðin sem skattgreiðendur framtíðarinnar, hafi orku til að byggja allt upp  aftur, sem útrásardrengirnir hafa eytt í útlöndum: 

Þá þarf að veita þjóðinni áfallahjálp.

Það er búið að ljúga þjóðina upp úr skónum. Allir Íslendingar hafa haldið í mörg ár að við værum rík, vegna þess að við værum svo greind, svo vel menntuð og fallegri og duglegri en aðrar þjóðir. Fólk er í sjokki, þetta var bara allt saman nýju fötin keisarans, og nú eru það skattgreiðendur í næstu kynslóðir sem eiga að hreinsa upp eftir gullbankadrengina og frjálshyggjufólkið.

Það gagnast engum að það ríki óöld og ofbeldi um helgar, vegna þess að fólk þarf að fá útrás fyrir reiði sína.

Eftir að þjóðin fær áfallahjálp, þarf ríkisstjórnin að fara frá.

Æru sinnar vegna, getur ekki nokkur maður sem situr í þessari ríkisstjórn setið áfram. Það þarf nýjar kosningar.

Þess utan, þá þarf að fara fram rannsókn á öllu þessu ferli, sem gerði Ísland gjaldþrota á 5 árum, á meðan ca. 40 manns fengu milljónir í laun og starfslokasamninga. Auk þess óheyrilega starfslokasamninga upp á hundruð milljóna. Það er enginn sem sér þessa menn í dag, þeir fara huldu höfði opinberlega, og ljái það þeim enginn. En einhver þarf að axla ábyrgð á þessu gjaldþroti Íslands, það segir sig sjálf.

Í þriðja lagi þá þarf DO seðlabankastjóri að sjálfsögðu að setjast í helgan stein. Hann hefur gert landinu meira ógagn en nokkur annar.

Ríkisstjórnin afþakkaði fjárhagsaðstoð!

Ég er furðu lostin - ef þessi frétt er rétt, þá hafa DO og ríkisstjórnin gert enn fleiri skemmdarverk en við héldum.

Það á að gera ítarlega hlutlausa rannsókn á þessu öllu saman, og láta þá menn sem orsökuðu þetta gjaldþrot Íslands bera ábyrgð .

Afþökkuðu fé frá Alþjóðagjaldeyrissjóðnum

Hvernig byrjaði alheimskreppan?

Hvernig byrjaði þessi alheimskreppa eiginlega?

Hvernig breiddist hún út?

Dagblaðið Politiken spurði Per H. Hansen, Copenhagen Buisness School þessara spurninga. Hér koma svör hans.  

1. Fasteignamarkaðurinn og ótryggð lán

Fasteignabólan sprakk, og það kom niður á bönkum sem höfðu veitt óviðunandi lán. Verð á húsnæði er enn á leið niður, sem gerir allt ennþá verra. Nokkrir óheilbrigðir bankar eru þegar farnir á hausinn.

2. Lánsfjárkrísa og skortur á trausti

Bankarnir byrjuðu að gruna hvern annan um græsku, og þess vegna varð það dýrara fyrir bankana að lána peninga. Það er þetta traust sem áætlunin í USA reynir að byggja upp. Danska ríkisstjórnin reynir það sama.

3. Fjármálakreppa

Sem þýðir að fólk dregur úr neyslu, sparar peninga og þess vegna eykst atvinnuleysið. Afleiðingar efnahagskreppunnar er m.a. aukið atvinnuleysi og fallandi verð á hlutabréfum.

Hér er hlekkur á meiri upplýsingar um málið:

http://politiken.dk/indland/fakta_indland/article575145.ece

Hér er líka hlekkur á tímaröð atburða í ferli kreppunnar:

http://politiken.dk/indland/fakta_indland/article574925.ece

Hvernig ætlar Ísland að greiða innistæður í breskum banka?

Mér er spurn, hvernig íslensk stjórnvöld geti heitið því að tryggja allar innistæður í Icesave netbankanum að fullu. Eins og ástandið er hérna heima, og á sama tíma og ríkisstjórnin er að biðja um fjármuni lífeyrissjóðanna. Það er jú verið að tala um innlán sem nema tvöfaldri landsframleiðslu Íslands.

Ekki undarlegt að efasemdarmenn setji spurningamerki við hversu vel íslenska innlánstryggingakerfið sé fært til að standa undir greiðslum þar sem ráði einungis yfir um 88 milljónum punda, 17,7 milljörðum króna meðan innlánin nemi alls 13 milljörðum punda, þ.e. 154 sinnum meira en nemur heildar innlánstryggingarfjárhæðinni.

Mér er líka spurn hvernig það á að vera öruggt, að íslenska ríkisstjórnin sé fær um að mæta skuldbindingum sínum á þessu sviði, þar sem yfirvöld í þremur norrænum ríkum, Svíþjóð, Noregi og Danmörku - muni styðja við Ísland komi til slíks neyðarástands?

Ég veit ekki betur en að það sé líka kreppa í Danmörku, Noregi og Svíþjóð, og þau lönd eiga víst nóg með sig.

Ekki hægt að taka út af Icesave í Bretlandi

Danmörk líka á kúpunni

Það er líka farið að sverfa að danska fjármálamarkaðinum.

Ekki er víst að norrænar vinaþjóðir séu aflögufærar með fjármagn til hjálpar Íslandi. Ríkisstjórnin ætti allavega ekki að treysta á það.

Danska krónan stendur þó öllu betur en sú íslenska: í dag fær maður 3,82 danskar krónur fyrir 100 íslenskar krónur. Aldrei hefur það verið svona svart á gjaldeyrismarkaðinum.

Aldrei jafn svart í Danmörku og nú